ئەرا سێیەم جارە.. کریکارەیل پاکەوکردن لە راپەڕین بایکۆت کەن
شەفەق نیوز/ کریکارەیل پاکەوکردن لە ئیدارەی راپەڕین، ئمڕوو سێشەممە، ئەرا سێیەم جارە، لە ناڕەزاییی لەبان خەرجنەکردن شایستەیل داراییان بایکۆت کەن.
ئەحمەد حسێن کریکارە لە یەکیگ لە کۆمپانیایل پاکەوکردن لە ناوچەی حاجی ئاوا ئەرا ئاژانس شەفەق نیوز وت: یە ٦٦ رووژە موچەیلیان نەوردنە، وەبی ئاشکراکردن هووکارەیل لەلایەن کۆمپانیاگە.
وتیش: کۆمپانیاگە ٢٤ هەزار لە هەر کریکاریگ بڕێد، وەسنگ باجەیلیگ کەفتنەسە بان کۆمپانیاگە لەلایەن حکومەتی، و دیاری کرد ک کۆمپانیاگە هەمیش خوازینەیل کار دابین نەکردیە، وە دەسپیچگ خەرجنەکردنی لەلایەن حکومەت.
کریکارە بایکۆتکەرەیل دووپات لە وەردەوامییان لە بایکۆتەگە کردن تا کۆمپانیاگە مووچەیلیان خەرج نەکەێد ک یە دوو مانگە نەهاتیە، و واز لە بڕین ٢٥ هەزار لە مووچەیان بارێد.
وەرجەیە، سەرچەوەیگ لە سەرۆکایەتی شارەوانی راپەڕین ئەرا ئاژانس شەفەق نیوز وت: وەزارەت شارەوانی لە حکومەت هەرێم کوردستان لە حوزەیران ئی ساڵە، گریەبەسی کار ئەرا دوو کۆمپانیا لەناو سێ کۆمپانیا نووەو کرد، و دیاری کرد ک هەردوگ کۆمپانیاگە شمارەی کریکارەیل کەمەو کردن.
