كوشیان و زەخمداری وە تەقینەوەیگ لە هەرێم کوردستان
2021-07-21T13:43:12+00:00
شەفەق نیوز/ وەڕێۆبەرایەتی پۆلیس ئیدارەی ڕاپەڕین لە هەرێم کوردستان، ئمڕوو چوارشەممە، خەوەردا لە کوشیان یەک کەس و زەخمداری دووان تر وە تەقینەوەی TNT ، هەنای تەقەلای مەنین بیریگ لە قەزای قەڵادزێ دان.
وەڕێۆبەرایەتی پۆلیس لە بەیاننامەیگ رەسیە ئاژانس شەفەق نیوز وت: تەرم کەسیگ وەناو (م. س. ح) لە داڵگبوی ساڵ ١٩٨٨ خەڵک ئاوای سەی حەمدان وەگەرد دوو زەخمدار وەرەو خەسەخانەی گشتی قەڵادزێ بریان، و دیاری کرد ک ئەوانە خوازین TNT ئەرا کەنین بیر وەکار بارن، وەلێ تەقیە بانیان.
بەیاننامەگە دیاری کرد ک ئەو کەسە ک بویە قوربانی تەقینەوەگە کوڕ ٨ ساڵانی و کوڕیگ ١٨ ساڵان کار وەکرا وەگەردەی کردیاد زەخمدار بوین . بەیاننامەگە وتیش؛ قوربانیەیلە کار تایبەتیان لە کەنین بیر بویە وخوازین ئەرا خاوەن باخیگ وە TNT بیر بکەنن.
