دوئل ژن و پیاگێگ کورد
شەفەق نیوز- نوێنەر ئیلام دە پارڵمان ئێران، خانم سارا فەلاحی، ئی‌جارە چگە وە گژ موهەندس نامدار زەنگنە، وەزیر نەفت ئێران ک خوەییش کورد کرماشانە.
ئی ژن ئیلامیە لە وەختێگەو بییەسە نمایەندەێ مەجڵس، گوڕ ئەو گوڕ، لە فرە لە دەوڵەتی‌ئایمەیلە رخنە گرتگە و پرسیاری کردگە و دە ئێران وەێ چشتە نام دەر کردگە.
دوکتور فەلاحی وتگە: ئیلام وەێ هەمگەێ نەفت و گازە ک دیرێ هێمان هیچ بەشێ لە مودیریەت نەفت و گاز رووژئاوای ئێران ئەڕا دیاری نەکریاگە و موهەندس زەنگنە وه‌زیر نەفت ک لە سەرا قوڵ دا ک گشتێ یا بەشێ لە مودیریەت نەفت و گاز بخەێگە ئیلام، یە چەنێگە هە دیرێ خڕمان ددەێگ و وەێجوورە ک دیارە نەدخوازێ کارێ ئەڕا ئیلام و ئیلامییەێل بکەێ ک بینەسە ژێردەس رەییسەێلەێ نەفت و گاز ک ئیلامی نیین و ئی بەشە ک بەش خواداگەێ ئیلامیەێلە، بییەسە بەش بغەێران و وەزیر بایەد جواو ئیمە بدەێ ک ئەڕا لەێ‌وا دکرێ؟
خاسە بزانن؛ ئەو دو نوێنەرەێلەێ ئیلام ک پیاگن، چمان وە خاتر کورد بیین دە ئی پرسیاری کردنە هام‌بەشی وەرد فەلاحی نەکردنە.
بڕێگ ئی هنە وە دوئل دە نامەین ئی دو سیاسی‌ئایمە کوردە دزانن.
لە نامدار زەنگنە، جوور پیر و شێخ وزراێ ئیران، نام دبەن.
