دویای چەن ساعەتیگ لە پەلامارەگەی هەولێر.. بلینکن تەلەفۆن مەسرور بارزانی کەێد

دویای چەن ساعەتیگ لە پەلامارەگەی هەولێر.. بلینکن تەلەفۆن مەسرور بارزانی کەێد
2021-02-16T07:33:20+00:00

شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو سێشەممە، پەیوەندی تەلەفۆنییگ لە ئەنتونی بلینکن وەزیر دەرەوەی ئەمریکا وەرگرد.

لە پەیوەندیە تەلەفۆنیەگە، باس پەلامارە مووشەکیەگە کرد ک دوێەشەو هەولێر کەفتە وەری، وەگورەی بەیاننامەی حکومەت هەرێم.

هەردوگ لاگە لە پەیوەندیەگە باس هاوخەمییان وەگەرد قوربانیەگان کردن، و سەرۆک حکومەت باس پەلامارەگە و کردەوەیگ خوێڕیانە کرد، و 

 بلینکن وەزیر هان دا لە پاڵپشتی لێکۆڵینەوەی هاوبەش ئەرا حکومەت هەرێم کوردستان و حکومەت فیدڕاڵی ئەرا دیاریکردن تاوانبارەگان ودادکردنیان، و رێککەفتن لە وەردەوامی لە پەیوەندی قایمیگ لەی باوەتە.

لەلاییگ تر لە پەیوەندیەگە، باس دویاترین گەشەیل رەوشەگە لە مەیدان عراق کریا.

دوێەشەو لە وەخت دیریگ، چەن مووشەکیگ کەفتە بان فڕۆکەخانەی هەولێر و چەن گەڕەکیگ، و بویە هووکار کوشتن موقاوڵیک مەدەنی و زەخمداربوین شەش کەس، و سەربازیگ ئەمریکی ها ناویان 

بەرهەم ساڵح سەرۆک کۆمار عراق باس گورزەگە وە کردەوەی مەترسیداریگ کرد.

لەلای خوەییش، مەسرور بارزانی سەرۆک حکومەت هەرێم کوردستان وت: فەرمان دامە دەزگا ئەمنیەگان تا دەس وە لێکۆڵینەوەی گشتگیریگ بکەن، و وەگەرد موستەفا کازمی سەرۆک وەزیران قسە کردم لەباوەت ریەیل هاوکاری ئەرا پەیاکردن لەیاسا دەرچگەیل ک ئی کردەوەی تیرۆریە جیوەجی کردن.

هەمیش موستەفا کازمی فەرماندەی گشتی هێزە چەکدارەگان، لە پشت ئەو گورز مووشەکیە لەبان هەولێر، فەرمان وە دروسکردن دەسەیگ لێکۆڵینەوە کرد.

Shafaq Live
Shafaq Live