دویای فەرمان وە زیندان هەتایی.. خوەیکوشتن زیندانییگ لە سلێمانی
2021-02-08T10:51:08+00:00
شەفەق نیوز/ نەقیب سەرکەوت ئەحمەد قسەکەر وەناو پۆلیس پارێزگای سلێمانی لە هەرێم کوردستان، ئمڕوو دووشەممە، خەوەر لە خوەیکوشتن زیندانییگ لەناو یەکیگ لە زیندانەیل پارێزگاگە دا، لەوەر هووکارەیلیگ نادیار.
ئەحمەد ئەرا ئاژانس شەفەق نیوز وت: زیندانییگ لە تەمەن ٦٨ ساڵان لە خەڵک دەربەندیخان، وەتوومەت کوشتن بەندین کریاگە، شەوەکی ئمڕوو لەوەر هووکارەیل نادیاریگ خوەی کوشت.
و دیاری کرد ک زیندانییەگە چگە ناو حەمام بەندینخانەگە لە سلێمانی، و دەرەگە لەبان خوەی نا، ئیجا وە لیفەیگ لەناو حەمامەگە خوەی وەسێدارە دا، و ئاماژە کرد ک زیندانییەگە فەرمان زیندانکردن هەتایی دریاگە، و وەی نزیکە هاتگەسە ناو زیندانەگە.
