دویای شەش ساڵ لە دەسوەسەرکردن داعش..نەسرین ئەیزیدی باوەش کەێدە کەسوکارەیلی لە دهۆک

دویای شەش ساڵ لە دەسوەسەرکردن داعش..نەسرین ئەیزیدی باوەش کەێدە کەسوکارەیلی لە دهۆک
2020-11-24T12:13:57+00:00

شەفەق نیوز/ لە پارێزگای دهۆک، ئمڕوو سێشەممە، راگەیانن رەسین دوێەت ئەیزیدییگ رفیاگ، لە دویای رزگارکردنی لە دەس ریخریاگ داعش تیرۆرست لە دویای شەش ساڵ لە دەسوەسەری.

جهور عەلی ، جیگر شازادەی ئەیزیدیەگان ئەرا ئاژانس شەفەق نیوز وت: نەسرین ئیبراهیم دوێەتە رزگار کریایەگە، ئمڕوو لە مەرز فیشخابوور رەسیە دهۆک.

و ئاماژە کرد ک دوێەتەگە خەڵک ئاوای کۆجوە لە باشوور شەنگال، وەرجە ٦ ساڵ لەلایەن ریخریاگ داعش رفیا، و لە کامپ هۆل بوی لە سوریا.

جیگر شازادەگە دیاریکرد ک ماڵە ئەیزیدیەگە دوێەتەگە ناسی، و وەرجە سێ رووژ رزگار کریا، و ئیسە ها لای کەسوکارەیلی لە کامپ قادیا لە پارێزگای دهۆک.

Shafaq Live
Shafaq Live