دویای تەقەکردنیگ.. هەولێر بازرگانیگ هوشبەرەیل گرێد و دهۆک ئامێرەیل قوماربازی شکنێد.. وینە
شەفەق نیوز/ وەڕێەوبەرایەتی پۆلیس پارێزگای هەولێر پایتەخت هەرێم کوردستان، ئمڕوو چوارشەممە، دەسگیرکردن بازرگانیگ "رخبەر" ئەرا هووشبەری راگەیان، دویای تەقەکردنیگ لەناو باخچەی یەکیگ لە گەڕەکەیل ناوڕاس شارەگە.
موقەدەم هۆکەر عەزیز قسەکەر پۆلیس لە کۆنگرەیگ رووژنامەوانی وت: پۆلیس توومەتباریگ دەسگیر کرد بازرگان و پڕوپاگەندەی مادەیل هوشبەری کەێد.
وتیش: دویای وەشوینکەفتن و مینەکردن توومەتبارەگە لەناو باخچەیگ لە یەکیگ لە گەڕەكەكیل هەولێر، تەقە لە هیزەیل ئەمنی کرد، تا دەسگیر کریا.
وتیش: بڕەیل گەورەیگ لە هووشبەری کریستال و هیرۆیین لەلای توومەتبارەگە بوی و دەسنریا بانی.
لەلاییگتر، عەمید فەخری ئەحمەد مەجید وەڕیەوبەر پۆلیس پارێزگای دهۆک لە کۆنگرەیگ رووژنامەوانی لەناو بینای وەڕێەوبەرایەتیەگە وت: ئەرا لەناوداین ئی سیمای ناشارستانیە ک زەرەد گەپیگ وە کۆمەڵگا دەێد، و وەگورەی رینمایل وەزارەت ناوخۆ بڕیار دایمە ئامێرەیل قوماربازی لەناو بەیمن.
وتیش: ئامێر و چشتەیلیگتر هەس بڕیار لەناودانی نەهاتیە وتیش: خاوەن ئەو ئامێرەیلە ک لەناودریان هەواڵەی دادگا کریان.
عەمید مەجید وتیش: ئەو ئامێرەیل گەپە جویر رۆلێت لەناو دروس کریەن یا وە پارچە پارچە وە قاچاخی تیەنە ناو.
