دهۆک: هیچ کامپیگ ئاوارەیی تێوەسیمن تا دڵنیا لە ئارامی ناوچەیلیان نەوون
شەفەق نیوز/ عەلی تەتەر پارێزگار دهۆک، ئمڕوو سێشەممە، جەختکرد ک حکومەت خۆجێی هیچ کامپیگ ئاوارەیی نێەوەسێد تا دڵنیایی لە چگنەوەی ئارامیگ ئەرا ناوچەیل خوەیان نەوود.
تەتەر ئمڕوو لە وتاریگ ئەرا رووژنامەنووسەیل لە گەردین چەودیریکردن کامپەیل ئاوارەگان وت: حکومەت هەرێم کوردستان وە برایانە وەگەرد ئاوارەگان رەفتار کەێد، چوونکە خوەیان کەسوکارەیل خوەمانن، و دووپات کرد ک پێداویستییەگان ژیان ئاوارەگان لەلایەن رێکخراوەگە ناودەوڵەتیەگان و نەتەوە یەکگرتووەکان و حکومەت فیدڕاڵی دابین کریەن، بەڵکم بەشە گەوراگەی کەفێدە گەردن حکومەت هەرێم.
پارێزگار دهۆک داوا لە شاند نەتەوە یەکگرتووەکان لە عراق و حکومەت فیدڕاڵی کرد هاوکاریەگان ئەرا ئاوارەگان دابین بکەن، وەتایبەت سووتەمەنیەگان وەگەرد داوەزین پلەی گەرمی.
دەربارەی بەسانن کامپەیل ئاوارەی تایبەت وە ئاوارەیل قەزای شەنگال وەگورەی رێککەفتن هەولێر و بەغداد تەتەر وت: هیچ کامپیگ نێەوەسیەێد تا خاڵەیل رێککەفتنەگە جیوەجی نەکریەن، و تا ئاوارەگان بڕەسننە بڕوایی وەئەوە ک رەوشەگان لە ناوچەیل خوەیان کپ و ئارامەو بوینە.
