دهۆک نشانەی داوەزین ئاشکرایگ لە تاوانەگان لە ساڵ ٢٠٢٠ کەێد
شەفەق نیوز/ وەڕێۆبەرایەتی پۆلیس پارێزگای دهۆک راگەیان داوەزین رێژەی تاوانەگان لە پارێزگاگە وەشیوەی ئاشکرایگ لە ساڵ ٢٠٢٠ وەگورەی ٢٠٢١.
هێمن سلێمانی وەرپرس راگەیانن پۆلیس دهۆک لە کۆنگرەیگ رۆژنامەوانی ئمڕوو دووشەممە، لە بینای وەڕێۆبەرایەتیەگە لە دهۆک و ئاژانس شەفەق نیوز ئامادەی بوی وت: ژمارەی تاوانەیل کوشتنەگان دژوە پیاوەگان رەسیە ٢٥ و ٥ کوشتن دژوە ژنەیل.
وتیش: ٥٩٤ دزیکردن لە پارێزگاگە بویە،و ١٧١٤ خەڵەتانن دژوە هاووڵاتییەگان، و هەمیش ٢٦ خوەیکوشتن پیاوەیل و ١٥ خوەیکوشتن ژنەیل گ، وهەمیش تۆمارکردن ٨٣٩ ساکاڵای دەسدریژی و ٥٣٦ ساکاڵا لە باوەتەیل ماڵپەڕەیل پەیوەندیە کۆمەڵایەتیەگان.
وەرپرس راگەیانن پۆلیس دهۆک لە راگەیانن ئامار ساڵ ٢٠٢٠ دیاریکرد ک ئی ساڵە توێنست ٤٧ کەس و توومەت هەڵگردن و وەکارهاوردن هووشبەرەگان لە گشت پارێزگاگە دەسگیر بکەێد.
هەمیش دووپاتکرد ک ٩١٪ لە باوەتەگان بەسیان، بیجگە ٩ لەسەدیان چەوەڕی تەواوکردن ریکارە یاساییەگانیان کریەێد.
و ئاماژە کرد ک پۆلیس دهۆک توێنست ٢٣ پارچەی تڵا و سی هەزار دۆلار و دە مەلیۆن دینار ئمساڵ ئەرا خاوەنەیلیان بوەێدەو، و ئاماژە کرد ک رێژەی تاوانەگان لەی ساڵە ٢٠٢٠ وەشیوەی ئاشکرایگ وەگورەی ساڵ گوزەیشتە ٢٠١٩ داوەزیاگە.
