دهۆک لە وەرگردن تەرم رفياگیگ لە دانیشتوەیلی لێدوان دەێد و وەرپرسایەتی کوشتنی خەێد بان پەکەکە

شەفەق نیوز/ پارێزگای دهۆک، ئمڕوو سێشەممە، وەرپرسایەتی لە کوشتن هاووڵاتی گەنج «جوتیار محسن حسێن» ک لە ئۆپراسیۆنە سەربازیەگەی تورکیا لە کوێەی گارە کوشیا خستە بان پەکەکە.

پارێزگاگە لە بەیاننامەیگ ئمڕوو وت: شەرمەزار رفانن و زیندانکردن هاووڵاتی جوتیار محسن خەڵک پارێزگای دهۆک لەلایەن پەکەکە کەیمن.

وەگورەی بەیاننامەگە، دەسگیرکردن و زیندانکردن هاووڵاتیەگان تەنیا کار دامەزراوە دادوەریەگانە و لە چوارچێوەی یاسا، و ئەی کردەوە لە دەیشت ئەو دامەزراوەیلە کاریگ نا یاساییە، و پێشێلکردن ماف مرۆڤە، و پێشێلکاریە لەبان خاک هەرێم کوردستان.

وەڕێۆبەرایەتی دژە تیرۆر لە هەرێم کوردستان، رووژ دووشەممە، خەوەردا لە وەرگردن تەرم گەنجیگ ئەرا خاوەنەیلی لە هەرێم دویای چەن مانگیگ لە رفاننی وەدەس جەنگاوەریل پەکەکە.