داوەزیان وەرچەویگ لە نرخ مامر زنی لە هەرێم کوردستان
خاڵس شەکوور خاوەن دوکان فرووشتن مامر زنیە لە هەولێر، ئەرا ئاژانس شەفەق نیوز وت: نرخ یەک کێلوگرام وەشیوەی گەورەیگ داوەزیا، ک رەسیە ١٩٠٠ دینار عراقی، لە وەختیگ وەرجە ماوەی کەمیگ رەسیە ناوەین ٢٥٠٠ تا ٣٠٠٠ دینار.
شەکوور ئویشێد بانوخوارکردن نرخ مامر زنی لەوەر زیاوکەمی داوا و هەلکردنە لە بازاڕ، وەگەرد سەختی کلکردن مامر زنی ئەرا ئەو پارێزگایل دەیشت کوردستان لەوەر ئەو گەرمی فرە، و دووپات کرد ک ئەگەر توانای کلمکردن مامر زنی ئەرا دەیشت هەرێم کوردستان بوود، وەنە نرخەگە بەرزەو بوود.
لەلای خوەییش، محمد خۆشناو ک خاوەن کێلگەی مامرە لە هەولێر ئەرا ئاژانس شەفەق نیوز وت: نرخ یەک کێلوگرام مامر زنی وە زیاتر لە ٢٠٠٠ دینار لەبان خوەیان نیشێد، و فرووشتن کەمتر لەی نرخە زەردەیان دەێد، وەلێ جاروبار ناچارن بوون ئەرزانفرووشی بکەن وەتایبەت وەگەرد هاتن بیماریەیل و گرانی نرخ دان، یا کەمی لە وزەی کارەبا، و هوکارە سەرەکیەکەی ئەوەسە ک ری وە فرووشتنی ئەرا ئە و ناوچەیل عراق بیجگە ناو هەرێم کوردستان نییە.
