داوەزیان نوویگ پلەی گەرمی لە هەرێم کوردستان
2023-10-13T08:03:17+00:00
شەفەق نیوز/ وەڕیەوبەرایەتی کەشناسی و زەویلەرزەناسی لە هەرێم کوردستان، ئمڕوو جمعە، مەزەنەی کەشوهەوای ساعەتەیل ئایندە راگەیان.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: مەزەنە کەێد ئاسمان رووشن و خوەر بوود و جاروباریش نیمچە ئەورە وەگەرد داوەزیان پلەی گەرما لە ٢ تا ٣ پلە.
وەڕیەوبەرایەتیەگە وتیش: پلەی گەرمی کە مەزەنە کریایە ئەرا ساعەتەیل ئایندە وەیجویرەس: هەولێر ٣٠، سلێمانی ٢٩، دهۆک ٢٩، هەڵەبجە ٣١، زاخۆ ٣٠، سۆران ٢٤، گەرمیان ٣٥.
