ئیدارەی گەرمیان ساڵ ٢٠٢٢ وە هشکەساڵی راگەیان
شەفەق نیوز/ ئیدارەی گەرمیان لە هەرێم کوردستان ئمڕوو چوارشەممە راگەیان ئمساڵ هشکی رۊ وە ناوچەگە کردیە لەوەر کەمی واران، بایەتە بڕە پۊلیگ لە بودجەی فریاگوزاری ئەرا ئی هشکیە دابین بکریەێد.
سەرپەرشتیار ئیدارەی گەرمیان جەلال نووری لە کۆنگرەیگ رووژنامەوانی ئاژانس شەفەق نیوز چەودێریی کرد ئمڕوو وت، لەماوەی ئمساڵ ڕێژەی واران وارین کەم بۊ ئەراوە ناوچەگە رۊ وەرۊ هشکی بوود، وتیش دەسەی تایبەت چگنە ئەرا ئاوایەیل زەرەدەیل ئی هشکیە وەپیان رەسیە.
شێح نووری وتیش زیاتر لە نیمەی بەرهەم گەنم و جۊەی سنوور ئیدارەگە رۊ وەرۊ رخ لەناوچگن بۊە وە مدووی نەوارین وەشیوەی خوازین.
وتیش، سەدان دۆنم هەڕەشەی رخ هابانی لەوەر کەمی واران وەگەردیا کووچکردن فرەیگ لە ئیوەتکەریل ئاژەڵ لە کنارەیلەو وەرەو ناو شار.
جەلال شێخ نووری سەرپەرشتیار ئیدارەی گەرمیان دووپاتکرد، ئیدارەگە دەسەیگ دانایە ئەرا رۊ وەرۊبۊن هشکی و دەسەگە نەخشەی قایمیگ ئەرا رۊیوەرۊی هشکی پیشبینی کریاگ دانایە، داواکەن حکومەت هەرێم کوردستان بڕە پۊلیگ پیویست ئەرا رۊ وەرۊ بۊن ئی کارەساتە تەرخان بکەێد ئیدارەی گەرمیان پارەکە لەهەمان بڕوار رۊ وەرۊ هشکی بۊەو.
