دادگای سلێمانی سزای زیندانیکردن زیاتر لە 5 ساڵ ئەرا لاهوور شێخ جەنگی لە دۆسیەی "لالەزار" دەرکرد
شەفەق نیوز - بەغدا
دادگای سلێمانی، ئمڕوو پەنجشەممە، سزای زیندانیکردن زیاتر لە 5 ساڵ ئەرا لاهوور شێخ جەنگی لە دۆسیەی "لالەزار" دەرکرد.
پەیامنێر ئاژانس شەفەق نیوز وت: دادگای سلێمانی بڕیار دا لەبان سزادان لاهوور شێخ جەنگی وە زیندانیکردن ئەرا ماوەی پەنج ساڵ و سێ مانگ.
لە هەمان وەخت، پۆلات شێخ جەنگی وە زیندانیکردن ئەرا ماوەی 3 ساڵ و 6 مانگ سزادریا، و رێبوار حامید حاجي غالي وە زیندانیکردن ئەرا ماوەی دوو ساڵ.
لە 22 ئاب 2025، هێزەیل ئەمنی لە سلێمانی هەڵکوتان بان بنکەی جویڵەی نوو، ناسریاگ وە هۆتێل لالەزار، و ماڵ لاهوور شێخ جەنگی لە سلێمانی، و داوای خوەوەدەسدان لەلیکردن لەبان هەبوین فەرمان دەسگیرکردن لەبانی.
لەدویای ئەوە رویوەرویبوین لە نناوەین هێزە ئەمنیەیل ئەو کەسەیل لەورەبوین دروسبوی، و وە دەسگیرکردن لاهور شێخ جەنگی شمارەیگ لە کەسەیل نزیک لەلی کۆتایی وەپی هات.
لە ئەنجام رویوەرویبوینەگە 12 کەس کوشیان لەناویان سێ کەس ئەندام ئەمنی و کۆماندۆ بوی.
