دەسکردن وەهەڵمەت داناین یەک مەلیۆن دار بەڕۊ لە هەولێر

شەفەق نیوز/ دامەزراو "رەوانگە" Rwanga، ئمڕوو یەکشەممە،  راگەیان دەسکردن وە هەڵمەت داناین یەک مەلیۆن دار بەڕۊ لە پارێزگای هەولێر پایتەخت هەرێم کوردستان.        

عەبدولسەلام مەدەنی وەڕیەوبەر گشتی دامەزراوەگە لە کۆنگرەیگ رۆژنامەوانی ئاژانس شەفەق نیوز ئامادەی بۊی وت: یەکیگ لە گرنگترین سوودەیل ئی هەڵمەتە ئەوەسە ک هیلێد سرووشتەگە فرەتر سوودمەن بوود، وتیش: ئیسە وەخت ئەوەسە ک نووڕین ئەرا دۊیارووژ بیاشتایمن، و گرفت ئاڵشتبۊی کەشوهەوا تەنیا گرفت یەک گەل نییە، بەڵکم بایەتە گشتی کار ئەرای بکەێد.      

مەدەنی وتیش: هەر داریگ یەک دۆلار خەرجی چوود، باوجی سوودەیلی ئەرا سرووشتەگە فرە فرەس، و دیاری کرد ک ئامانج ئی هەڵمەتە نواگردن ئاڵشتبۊی کەشوهەوای کوردستانە، و هاندان مەردمەگە لەبان کشتوکاڵی لە کۆمەڵگا و کار ئەرا گلەوداین دار لە دارستانەیل.     

وتیش: دار بەڕۊ وەگورد ژینگەی کوردستان گونجیاگە، و هەڵەمەتەگە ئەرا دانان ٨ هەزار و ٢٠٢٠ دارە دوو هەزار نەمام بەڕۊ لەلی دانایمن، و ئەوەسا ٢٠٠ هەزار نەمام چنیەێد، و لە ٢٠٢١ ، ٨ هەزار دار، و لە ٢٠٢٢ ٢٠٠ هەزارە، و کۆتایی ٢٠٢٤ رەسێدە یەک مەلیۆن نەمام بەڕۊ.        

پڕۆژەگە هاوبەشیە ناوبەین ریخریاگ هەسار و دامەزراو رەوانگە.