دەسگیرکردن شەش ژن دز لە هەولێر یەکیگیان خەڵک غاناس
شەفەق نيوز/ وەڕیەوبەرایەتی پۆلیس هەولێر،ئمڕوو پەنجشەممە،راگەیان دەسگیرکردن شەش ژن یەکیگیان خەڵک دەوڵەت غانا بۊی، دزیکردن لە ناوچەیل جیاجیا لە پارێزگاگە کەن.
هۆکەر عەزیز قسەکەر پۆلیس هەولێر ئەرا ئاژانس شەفەق نیوز وت: ئی ژنەیلە تاوان دزیكردن جیاجیایی لە بازاڕ لەنگە وەجی هاوردنە، جانتای ژنەیلە وە پۊیل نزیک هەزار تا دوو هەزار دۆلار لەناویان بۊیە.
و دیاری کرد ک دووان لەلیان ماشینیگ لەبان ری کەرکوک – هەولێر وساننە و سوار بۊینە و یەکیگیان خەریک رانندەگە وە قسەو باسکردن کردگە، و ئەوەکە بایی ٢٠ هەزار دۆلار دزیە.
وتیش؛ یەکیگ لەوانە ژنیگە لە خەڵک دەوڵەت غانا، و نەوکەری لە ماڵیگ کردگە، و بایی دوو هەزار و سەد دۆلار لەماڵەگە دزیە و وایە، و ئیجا پۆلیس دەسگیری کردگە.
وتیش؛ ئەو ژنە گریایلە لەوانەن ک لەبان جادە و لە بازاڕەیلە گەیا کەن.
