خوەنستن باڵا لە کوردستان: هویچ نیگەرانییگ لەبارەی ساڵ خوەنیین لە زانکۆگان هەرێم نییە
ئارام لە کۆنگرەیگ رووژنامەوانی کە ئاژانس شەفەق نیوز ئامادە بوی راگەیان، " وە تەقەلای ماموسایەیل و ئیدارەی زانکۆ و پەینگایەل لە گشت ناوچەیل هەرێم کوردستان توەنیمن بویشیمن هویچ نیگەرانیگ نیە وەبان وە ریوەچگن پرۆسەی خوەنستن لە کوردستان وەبان دیر دەسوەپیکردن ساڵ خوەنین کار وەبان ساڵنامەی خوەنستن زانکۆگان هەرێم نەکرد".
همیش، تەقەلای ستاف پەروەردەیی و ئەنجومەن زانکۆ و پەیمانگایەیل و ستافئیداری بەرز نرخاند ئەرا وەجی رەسانن ئەو وەرپرسیاریەتە هابان شانیان، دووپاتکرد هویچ گیچەڵیگ رویوەروی پرۆسەی خوەنستن نەویە".
لەباوەت گیچەڵ دەرماڵەی خوەنەوارەیل زانکۆ و پەیمانگایەیل وەزیر خوەنین باڵا دووپاتکرد، "ئێ باوەتە لە مانگ حوزەیران گوزەشتە چارەسەرکریاس، ئەگەر ئەو دەرماڵەیە وەرنەگیریایە، ئەوە گیچەڵ ها لە قەیران دارایی لای وەزارەت دارایی، و لەلای وەزارەت خوەنین باڵا و لێکۆڵینەوەی زانستی نییە".
