خوەشی ئیلامییەێلە ئەڕا وەزیردار بیین
2021-11-28T18:10:29+00:00
شەفەق نیوز/ پارڵمان ئێران، ئمڕوو نیمەڕوو وە 194 دەنگ و رای، پەسەن بەرنامەگەێ "یووسف نووری" کرد ئەڕا وەزیری ئامووزێشت و پەروەرێشت و ئەوی کریا وە وەزیر.
ئەڕا ئی وزارەتخانە ک گەپترین و گرینگترین وزارەتخانەێ ئێرانە وەر ژە ئەوی دوانێ تر وە پارڵمان موعەرفی کریابین ک نمایەندەێلە هەردوگیان پەسەن نەکردبین.
خاسه بزانن ک ئیلامییەێلە وە خاتر شکیان سییەم ئی بێ‌بەشی تاریخییە لە کابینەێ دەوڵەتەێل ئێران، دە شەواچەێل مەجازی و ماڵپەڕ و رووژنامەێلە نیشان دانە ک فرە لەێ کار دەوڵەت و پارڵمان ئێرانە، خوەشڵەخوەشی دکەن و رزامەندی دیرن.
