خاوەن پیشەیل لە سلێمانی ناڕەزایی لەبان زیایکردن باجەیل کەن.. وینە
شەفەق نیوز/ دەیان لە خاوەن پیشەیل پیشەسازی لە سلێمانی، ئمڕوو سێشەممە، وسیانیگ ناڕەزایی لەبان زیایکردن باجەیل رێک خستن.
پەیامنێر ئاژانس شەفەق نيوز وت: ناڕەزایل و سیانیان لە وەردەم کارخانە ودوکانەیلیان لە ناوچەی پیشەسازی دویەم لە سلێمانی ڕێک خستن.
حاجی بەختیار، خاوەن دوکان ئاسنگەریە، ئەرا پەیامنێر ئاژانس شەفەق نيوز وت: ئی ناڕەزاییە لەبان زیایکردن ئەو باجەیلە تیەێد ک حکومەت لەبانمان چەسپانەی، دیاری کرد ک هەر دوکانیگ پابەندە وە داین پویل فرەیگ جویر کرای کارەبا وئاو و شارەوانی و مووڵەت پیشە، وتابلۆی پڕۆپاگەندە، و باجەیلیگتر.
محمد ئەحمەد، یەکیگە لە شاگردەیل ناو یەکیگ لە کارخانەیل پیشەیی وت: زیایکردن باجەیل وە بەدی هاتە بان داهات کارخانەیل، ک وەگەرد ئەو باجەیلە نیەگونجیەێد.
وتیش: حکومەت پەیمان خاوەندارکردن ئی دوکانەیلە دا ئەرا ئەوانەگ یە ١٥ ساڵە هانە ناویان، باوجی حکومەت ئی پەیمانە وەجی ناورد، وتیش؛ بایەتە حکومەت وە چەو باوگ بنووڕێدە پیمان و خوەی زانێد ک وەدویاچگن کارمان لەوەر قەیران داراییە، ئەراوە داوا لە حكومەت کەیمن واز لە بردن باجەیل ناگرنگ بارێد و کەمنەو بکەێد.
