خانمە نووسەریگ فەیلی باڵاترین خەڵاتەیل سوید وەرگرێد

خانمە نووسەریگ فەیلی باڵاترین خەڵاتەیل سوید وەرگرێد
2021-01-16T11:27:34+00:00

شەفەق نیوز/ «بەلسەم» ئەو خانمە نووسەر کورد فەیلیە، باڵاترین خەڵاتەیل سوید (سمولتس) ئەرا ساڵ ٢٠٢١ لە ڕۆمانەگەی (ئاسوو رووداوەگە) وەدەس هاورد، ک وەزوان سویدی نووسادەی، و باس لە باوەتەیلیگ کۆمەڵایەتی کەێد.

خانمە نووسەرەگە دوێەت کامل کەرەم سەرکردە لە حزب شیوعی عراقە، و یەکیگە لە مامووستایل مەکتەو کوردە فەیلیەگان لە بەغداد لەماوەی پەنجاگان و شەسەگان لە سەدەی گوزەیشتە.

بەلسەم لەساڵ ١٩٨٣ لە ئیران لەداڵگ بویە، ک وەرجە پەیابوینی لە شەپۆل بارکردنەگە لە هەیشتاگان سەدەی گوزەیشتە ک کوردە فەیلیەگان کەفتنە وەری، ١٩ کەس لە خیزانەگەی روی وەرەو ئیران کردن، بیجگە باوگی، ک ئەویش خوەی لە چەوەیل دارودەسەیل رژیمەگە شاردیادەو.

دویای ئەوە ک باوگی رەسیە لایان، خیزانەگە لە ئیرانەو وەرەو یەکێتی سۆڤیەتی دەرچگن و لەولاو وەرەو ئەفغانستان، ئیجا لە ساڵ ١٩٩٠ ئەرا سوێد چگن.

نووسەرەگە گشت قۆناغەیل خوەنواریی لە سوید تەواو کرد، وبویە خاوەن بڕوانامەی ماستەر لە ئەدەب و زانستە سیاسییەگان.

دەربارەی رۆمانەگەی ک لە خەڵات سوید سەرکەفت، ٣ هەزار چاپ لەلی کریا، و نیاز وەرگیرانکردنی ئەرا چەن زوانیگ دیرێد.

بەلسەم ئامادەکاری ئەرا دەرکردن رۆمانە نووەگەی «جیوازی» کەێد، و بڕیارە لە مانگ شوبات ئایندە لە رسوومەیلیگ تایبەت لە شار «یونشوبنک» سویدی خەڵاتەگی وەربگرێد.

Shafaq Live
Shafaq Live