حكومەت هەرێم کوردستان دەسمیەتی خەێدە نوای بەغداد: لەی وەخت سەختە هایمنە گەرددان

شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو پەنجشەممە، هاوخەمی خوەی وەگەرد خاوەن قوربانیەیل دوو تەقینەوە تیرۆریەگان لە بەغداد 

نشان دا، و ئاماژە کرد ک حکومەت هەرێم ئامادەس ئەرا هەر دەسمیەتییگ.

سەرۆک حکومەت لەبان ماڵپەڕ فەرمی خوەی لە تویتەر نووسان: وە گشت خەفتیگ خەوەر پەلامارەیل تیرۆری لە بەغداد وەرگردم، و ئاشکرای هاوخەمی خوەم وەگەرد کەسوکارەیل قوربانیەگانیان کەم، و هەمیش  لەی وەخت سەختە وەگەردیان وسیەم.

وتیش؛ حکومەت هەرێم ئامادەس ئەرا پێشکەشکردن پشتگیری و هاوکاری.