حکومەت کوردستان قەیەغەی هاوردەی ماسی «کاریب» کەێد

شەفەق نیوز/ وەزارت کشتوکاڵی و سامانە ئاوییەگان لە هەرێم کوردستان، ئمڕوو دووشەممە، راگەیان قەیەغەکردن هاوردەی ماسی کاریب.

بێکرد تاڵەبانی خانمە وەزیر کشتوکاڵی لە بەیاننامەیگ رەسیە ئاژانس شەفەق نیوز وت: بڕیار قەیەغەکردن هاوردەی ئی چینە لە ماسی کریا وە ئامانج مقەیەتیکردن بەرهەمە ناوخۆییەگە.

تاڵەبانی وتیش؛ دویای گفتوگۆەیلیگ لە ٢٢ تەشرین دوویەم ٢٠٢٠ وەگەرد خاوەن و نۆێنەرەیل پڕۆژەیل بەرهەمکردن ماسی لە هەرێم، بڕیار قەیەغەکردن هاوردەی ماسی کاریب لە رووژ ١٠ی کانون یەکەم ٢٠٢٠ کریا تا بانگوازیگ تر