حکومەت هەرێم کوردستان فەرمان وە وازکردن لێکۆڵینەوە لە کوشتن خوەنەواریگ زانکۆ لە ئیران دەێد

شەفەق نيوز/ مەسرور بارزانی سەرۆک حکومەت هەرێم کوردستان، فەرمان وازکردن لێکۆڵینەوە لە کوشتن خوەنەوار زانکۆ بەشار فائق دا، وەگورەی راگەیانن وەزارەت خوەنەواری باڵا و توێژینەوەی زانستی.

ئەوەیش لە کۆنگرەیگ رووژنامەوانی هات لەلایەن دکتۆر عەبدولفەتاح عەبدولڕەزاق جینشین وەزارەت خوەنەواری باڵا و توێژینەوەی زانستی لە هەرێم کوردستان.

دکتۆر فەتاح لەناو کۆنگرەگە وت: سەرۆک حکومەت هەرێم کوردستان فەرمان وە هاوردن تەرم قوربانیەگە ئەرا هەرێم کوردستان و وازکردن لێکۆڵینەوە لە رویداوەگە دا.

وەزارەتەگە وتیش: ئەوەسا وەزارەتەگە گشت ریکارەیل جیوەجی کەێد و داوای نووڕستن وە کاغەزەیل لێکوڵینەوە کەێد، و دووپات لە گرنگی رەسین وە تاوانکارەیل و سزادانیان کرد.

بەشار فائق ئەو گەنجە لە خەڵک هەرێم کوردستان لەوەر زەخمەیل چەقوو لە ئەحواز ئیران وەرجە چەن رووژیگ گیانی لەدەسدا.