حکومەت هەرێم کوردستان رەسێدە رێککەفتنیگ دەربارەی مووچەگان و بوودجەگە
شەفەق نیوز/ دلێر عەبدولخالق هەماهەنگکار ژوور راگەیانن لە بزوتنەوەی گۆڕان، ئمڕوو شەممە، راگەیان شاند حکومەت هەرێم کوردستان ک ئیسە هالە سەردان بەغداد، رەسیە رێککەفتنیگ هونەری وەگەرد حکومەت فیدڕاڵی لەباوەت مووچەگان و بەش هەرێم لە بوودجەی ٢٠٢١.
عەبدولخالق ئمڕوو لە کۆنگرەیگ رۆژنامەوانی لە سلێمانی وت: ئەو شانەدە ک وەسەرپەشتیاری ئاوات شێخ جەناب وەزیر دارایی هەرێم هالە بەغداد، رەسیە رێککەفتنیگ هونەری وەگەرد وەزارەت دارایی لەباوەت سپۆنسەرکردن مووچەیل فەرمانبەرەگان لە هەرێم، وبەش هەرێم کوردستان لە بوجەی ساڵ ئایندە.
ودیاریکرد ک ئەوەگ مەنیە ریکارەیلیگ ئیدارەیی لەلایەن ئەنجومەن وەزیران هەرێم خوازێد، تا ئی رێککەفتنە بوودە دەقیگ و لە بوجەی ٢٠٢١ بچەسیەێد، و لە خود وەختەگە ئەنجومەن نۆێنەران عراق دەنگدانی بکەێد.
عەبدولخالق ک نزیکە لە وەزیر دارایی هەرێم وتیش؛ ئی خەوەرە دڵ خوەشەو کەێد، بەڵکم ئی قۆناغە چگن شاندیگ سیاسی پایەبەرزیگ ئەرا بەغداد خوازێد تا گشت ناکۆکیەگان و باوەتە گیرهاتگەگان یەکلاوە بکەێد.
