دويای بڕیار یاسای قەرزکردن..کازمی مەرەقەزکردن مووچەگان راگەینێد
2020-11-10T12:40:11+00:00
شەفەق نیوز/ ئمڕوو سێشەممە، موستەفا کازمی سەرۆک وەزیران، مووچەی فەرمانبەرەگان مەرەقەزکرد، دویای بڕیارداین یاسای قەرزکردن.
نووسینگەی راگەیانن لە بەیاننامەیگ رەسیە ئاژانس شەفەق نیوز لە زووان کازمی لە کۆبونەوەی ئەنجومەن وەزیران وت: کۆبونەگەمان وەگەرد دەسەی دارایی خاس بوی، و ئەوەسا بوودە هووکار لە مەرەقەزکردن مووچەی فەرمانبەرەگان دویای بڕیارداین یاسای قەرزکردن.
کازمی وتیش؛ ئەنجومەن هەماهەنگی عراقی سعودی لەماوەی دوو رووژ گوزەیشتە کۆبونەوەیل وەردەوامیگ ئەنجامدا، تا بڕەسنە بڕیگ رێککەفتن لەباوەت کەرتەیل پیشەسازی و بازرگانی و کشتوکاڵی ونەفت و رووشنهویری و باوەتەیلیگ تر.
کازمی ئاماژە کرد ک هەڵمەتیەل گومانکردن لە هەر نزیەکەوبوینیگ ئەرا عراق وەگەرد هەر دەوڵەتیگ هەس وەگەرد شافەیلیگ ئەرا تیکڵاکردن کارتەگان و پەکخستن هەر رێککەفتنیگ لە بەرژەوەندی وڵاتەگە بوود.
وجەختکرد ک بایەدە عراق بوودە ژینگەی بەرهەمهاوردن نەگ تاڕاننی، چوونکە ئیمە وەڕاسی پێویستی وە بەرهەمهاوردن دیرمن و دابینکردن دەرفەتەیل کار و ئاوەدانی، وتیش؛ هیچ جیکریگ ئەرا رێککەفتنەگە وەگەرد وڵات چین نییە.
کازمی داوا لە وەزارەت دارایی و ئەو وەزارەتەگان کرد زوەی بکەن لە ئامادەکردن بوودجەی ٢٩٢١ چوونکە گرنگە ئەرا وەڕێۆبەردن وڵاتەگە.
