حکومەت هەرێم کوردستان دەسکەێدە پڕۆژەی گرنگیگ ئەرا خەڵک ئاوایەیل
2023-05-25T10:31:21+00:00
شەفەق نیوز/ وەڕیەوبەرایەتی گشتی سامانەیل ئاوی لە هەرێم کوردستان، ئمڕوو پەنجشەممە، دەسکردنی وە بیناکردن (گوڵەمەیل هاوکاری) لە ئاوایەیل راگەیان.
کاروان سەباح وەڕیەوبەر گشتی سامانەیل ئاوی لە کۆنگرەیگ رووژنامەوانی ئاژانس شەفەق نیوز ئامادەی بوی وت: پڕۆژەی بیناکردن گوڵەمەیل هاوکاری لە هەرێم کوردستان، ئاوایەیل کەێدە ئامان، ک خەڵک ئاوایەیل لەلی سوود بگرن و وە هاوکاری ریخریاگ (یونیسێف) جیوەجی کریەێد.
سەباح وتیش: ئی پڕۆژە دەسمیەتی لە کەمەوکردن کاریگەریەیل نەرێنی هشکەساڵی دەێد، و پاڵپشتییگ ئەرا کەرت کشاوەرزی و گەشتوگوزاری کەێد، ئەوەیش وە بیناکردن ئی بەنداوەیلە لەبان جووەیل لافاو واران، ک هەمیش دەسمیەتی لە نواگیری رخ لافاوەیل دەێد.
دیاری کرد ک ئی پڕۆژە گرنگە و کاریگەرە، و شیوەیگ لە هاوکاری ناوبەین حکومەت و خەڵک ئاوایەیل دروس کەێد، وتیش: ئیرنگە ١٢٠ گوڵەم هاوکاری لە هەرێم کوردستان هەس، ک ٤١ لەلیان تەنیا لەی ساڵە بینا کریان.
