دوو کوشیان و ٢٢ بیسەروشوین وە لافاوەیل ئەمریکا

شەفەق نیوز/ دوو کەس لای کەمەو مەرگ خوەیان دین و هیمان ٢٠ کەس بیسەروشوینن، لەو لافاوەیلە ک ویلایەت کالۆرینای ئەمریکا گردە وەر.

نووسینگەی وەرپرس کەرت هایوود لەبان ماڵپەڕ تویتەر نووسان؛ ٢٠٠ کەس دەسکردنە ئەرکیان ئەرا وەشکین ناو ماڵەیلە وە دریژایی چەم بیجون.

وارانەیلیگ وەگورەی ٣٠ سانتیمەتر لە رووژ دوو شەممە تا چوارشەککە لە خوەرئاواس کارولینای باکووری وارێد، و باس ئەو لافاوەیلە وە مێژووی کریا.

ئێزگەی دەبیڵیو ئێف ئێف ٤ لە ژوان فەرماندەی پۆلیس ناوچەی هایوود وت: ناو ماشینەیلە و ماڵە چووڵەیلە وەشکیمنە وە مینەی کەسیگ رزگاربوی.

ناسان یابرو یەکیگیان لە خەڵک ئەو ناوچە ئەرا کەناڵەگە وت: ئاو لە ناو باخچەی ماڵەگە لە نزیک ئاوای کروزو رەسیە زیاتر لە دوو مەتر.

وتیش؛ وە تەنیا ٤٥ خولەک ئاوەگە وەیجور بەرزوو بوی.