جاریگتر بەنزین لە سلێمانی گرانەو بوود
شەفەق نیوز/ دووارە نرخ بەنزین، ئمڕوو پەنجشەممە، لە پارێزگای سلێمانی، وە ١٠٠ دینار عراقی ئەرا لیتریگ چیە بان.
ئیجا گرابوینی وەرجە جەژن قوربان هات، هەرچەن بەنزین پشتگیریکریاگ حکومەتی هەس.
پەیامنێر ئاژانس شەفەق نيوز لە سلێمانی وت: نرخ یەک لیتر سوپەر رەسیە ١٥٤٠ دینار، و یەک لیتر موحەسەن ١٤٧٥، ویەک لیتر بەنزین عادی بویە ١٣٥٠ دینار.
وتیش؛ دویەکە نرخ یەک لیتر بەنزین سوپەر ١٤٥٠ دینار بوی، و یەک لیتر موحەسەن ١٣٧٥ دینار، و بەنزین عادی ١٢٥٠ دینار بوی.
لەباوەت ئەو بەرزەوبوین وەردەوامە لە نرخ بەنزین، کەریم عەلی سەرۆک دەسەی وزە لە ئەنجومەن پارێزگای سلێمانی ئەرا ئاژانس شەفەق نیوز وت: ئی بەرزەوبوین وەردەوامە لەوەر ئەوەس ک چەودیریکردن حکومەتی نییە، و دەسەڵات لەبان بازاڕەگە نەیرێد، چوینکە بەنزین لەلایەن بازرگانەیلیگ لە بازاڕ ئازاد هاوردە کریەێد، ک نەبایەت دەسەڵاتەیل دەسوەردانی بکەن.
وتیش: نرخ سوتەمەنی لە سلێمانی هادەس بازرگانەیل، و حکومەت دەرەقەت رەفتاریان نیەتیەێد.
