تەندروسی سلێمانی ٤٠% لە مناڵەیلی وە زگچین وهەڵاوردن توومار کەێد
شەفەق نیوز/ وەڕێەوبەرایەتی تەندروسی پارێزگای سلێمانی، ئمڕوو شەممە، بڵاوبوین شەپوولیگ لە زگچین وهەڵاوردن ٤٠% لە مناڵەیلی راگەیان، ئەوەیش لەوەر هووکارەیلیگ جیاجیا لەلیان تویشهاتن وە پەتای کۆڕۆنا، وبڕیگیش تەمەی ئەرا مقەیەتیکردن پێشکەش کرد.
وەڕێەوبەرایەتەگە لە بەیاننامیگ رەسیە ئاژانس شەفەق نیوز وت: شەپوولیگ لە زگچین وهەڵاوردن لەناو مناڵەیل وەئاست ٤٠% بڵاو بویە، ک لە خەسەخانەیل سلێمانی توومار کریایە.
بەیاننامەگە وتیش: گشت ساڵیگ لە وەرز تاوسان بڕیگ مناڵ چنە ناو خەسەخانەیل، ک لەوەر بەرزەوبوین پلەی گەرمی لە تاوسان تویش زگچین و هەڵاوردن و ئەوزەڵکردن بەکتیریا بوون، ولەو پلە مناڵەیل تویش هشکی بوون ئمجا تەو گریدەیان.
وەڕێەوبەرایەتی تەندروسی سلێمانی چەن تەمەیگ پێشکەش کرد ئەرا مقەیەتیکردن لە زگچین، جویر؛ کوڵانن ئاوەگە وەرجە نووشینی، وهەڵگردن خوەراک لەناو یەخچاڵ، وشووردن میوە وسەوزە، وشووردن دەس مناڵەیل، و پاکو تەمیسی ئاودەس وحەمام، ووەکارنەهاوردن دەسسڕ ولیوان وکەمچگ هاوبەشی، و وازهاوردن لە خواردن دەیشت، وکوڵانن گووشت وخوەراک.
