تەقەکردن لە مابەین پێشمەرگە و پەکەکە لە خوەرئاوای دهۆک

شەفەق نیوز/ هێزەیل پێشمەرگە کەفتنە وەر پەلامارداین  پەکەکە لە نزیک دەروازەی پیشخاپوور لە شارۆچکەی سوهەیلە لە خوەرئاوای پارێزگای دهۆک.  

سەرچەوەیگ لە وەزارەت پێشمەرگە وە ئاژانس شەفەق نیوز وت، رویداوەگە لە دویەشەو پەنجشەممە لەوەخت دیریگ رویدایە، هەنای شمارەیگ لە ئەندامەیل پەکەکە نزیکەوبوینە لە هێزەیل پێشمەرگە دویای ئەوە تەقەکردن لە مابەین هەردگ لا دروس بویە، لەئەنجام یەکیگ لە ئەندامەیل پێشمەرگە زەخمداربوی وتائیسە زەرەردەیل پەکەکە نەزانیایە. 

وتیش، رویداوەگە لەوەر ئەوە رویدایە شمارەیگ لە ئەندامەیل پەکەکە تواستنە لەری ناوچەی سوهەیلا بچنە ناو خاک هەرێم کوردستان.