تۊشهاتنەیل کۆڕۆنای کوردستان لە ٣١٠ هەزار ڕەد کەن

شەفەق نيوز/ وەزارەت تەندروسی لە حکومەت هەرێم کوردستان،  ئمڕوو یەکشەممە،  راگەیان گشت شمارەی تۊشهاتنەیل ڤایرۆس کۆڕۆنا لەوەخت دەرکەوتنی لە هەرێم کوردستان،  رەسیە ٢١٠٥٥٠ تۊشهاتنە، ئەوەیش دۊیای توومارکردن ١٢١٤ تۊشهاتن نوو لەماوەی ٢٤ سەعات گوزەیشتە.

وەزارەتەگە لە بەیاننامەیگ رەسیە ئاژانس شەفەق نیوز وت : تاقێگەیلی لە ماوەی ٢٤ سەعات گوزەیشتە ٩٢١٥ تاقیکردنەوە ئەنجام دانە، لەناویان ١٢١٤ تۊشهاتن نوو وە ڤایرۆس کۆڕۆنا ئاشکرا بۊی، و هەمیش ١٣٩٠ بیمار لە پەتاگە خاسەو بۊین، و ١٧ بیمار لەوەر پەتاگە مردن.

بەیاننامەگە دیاری کرد ک ٢١٨٧١ بیمار کەچەندین کریانە، و تاقێگەیلی ٢٩٧٥٠١٨ تاقیکردنەوە ئەنجام دانە، لەناویان ٣١٠٥٥٠ تۊشهاتن دیاری کریاگە، ٢٧٤٨٠٤ کەس لەلیان خاسەو بۊینە،  و ٥٥٩٧ بیمار مردنە.