بمباران خەسیگ و روی لە قەندیل و ناوچەیلیگ تر لە کوردستان

شەفەق نیوز/ وەرپرسیگ لە پەکەکە، ئمڕوو دووشەممە، ئاشکرای بمباران خەسیگ لەلایەن تورکیا کرد لەبان ناوچەی کویەیل قەندیل و رویوەڕوبین چەکداری لەناوبەین جەنگاوەرەیل پەکەکە و سوپای تورکیا لەناوچەیلیگ تر لەناو سنوور هەرێم کوردستان. هیوا زاگرۆس قسەکەر وەناو ریخریاگ کۆمەڵگای کوردستانی (باڵ سیاسی پەکەکە) ئەرا ئاژانس شەفەق نیوز وت: سوپای تورکیا ئۆپراسیۆنیگ سەربازی لە ناوچەی زاب و کویەی قەندیل لە باکوور پارێزگای هەولێر کرد. ودیاریکرد ک ئەرا ماوەی دوو رووژە تووپ و فڕۆکەیل تورک وەخەسی بمباران ناوچەیلیگ لە کویەیل قەندیل کەن. زاگرۆس وتیش؛ جەنگاوەرەیل پەکەکە لە سێ شوون بوینە روی وەڕوی سوپای تورکیا لەلیان ئاوای کنایانش، وەبی ئاشکراکردن لە زەرەدەیل جەنگ هەردووگلاگە.