بارزانی وە خوەنەوارەیل زانکۆی دهۆک: پەروەردەی خاس نەوەیگ پیشکەفتگ دروس کەێد

شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، دووپات لە گرنگی ئەوە کرد ک خوەنەوارەیل زانکۆ وەیەکەوژیان قایم و قویلەو بکەن، وتیش: پەروەردەی خاس نەوەیگ پیشکەفتگ بەرهەم کەێد.

بارزانی لە ئاهەنگ دەرچگن خوەنەوارەیل زانکۆی دهۆک ک ئاژانس شەفەق نیوز چەودیریی کرد وت: دویای ساڵەیلیگ لە خوەنستن، ئمڕوو وەرپرسایەتی ئیوە گەورەترەو بوود، و ئەوەگ لە زانکۆ هوکارەی بویمنە، بایەتە ئەرا خزمەت نیشتمان وەکاری باریمن.

وتیش: بایەتە بنەمایل وەیەکەوژیان ئاشتەوایی قویلەو بکەیمن، و بایەتە خوەنەوارەیل لە تەقەلای وەردەوام بوون ئەرا هوکارەبوین زیاتر، ک پەروەردەی خاس کۆمەڵگایگ پیشکەفتگ دروس کەێد، و بایەتە کار ئەرا دروسکردن تاکە کەس و ئەوزەڵکردنی بکەیمن.