باڵوێز ئیسپانی ئەرا بارزانی باس وازکردن قونسڵیەی لە هەولێر کەێد
2021-09-23T13:01:36+00:00
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو پەنجشەممە، پیشوازی لە بیدڕۆ مارتینیز ئەفیال باڵوێز نوو ئیسپانیا لەلای عراق کرد.
حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: لە چەوپیکەفتنەگە سەرۆک حکومەت پیرۆزبایی لە باڵوێز نوو ئیسپانی وە بۆنەی وەرگرتن پۆستەگەینکرد، و ئومید سەرکەفتن لە ئەرکەیلی وە بتەوکردن پەیوەندیەیل ئیسپانیا وەرد عراق و هەرێم کوردستان کرد.
باڵوێز ئیسپانی باس ئامادەبۊن وڵاتەگەی ئەرا بتەوکردن هاوکاری وەرد هەرێم کوردستان کرد، وە تایبەت لە چین گواستنەوەی بازرگانی و بەرهەمهاوردن، و لەی باوەتە ئامادەکاری ئەرا وازکردن قونسڵیەی ئیسپانی لە هەولێر کریەێد.
