پیاوەیلیگ ئاینی مەسیحی: هەرێم تەنیا شۊنیگە ئەرا ژیان ئاشتی مەسیحیەیلە لە عراق وناوچەگە
شەفەق نیوز/ مەسرور بارزانی سەرۆکی حکومەت هەرێم کوردستان، ئمڕوو شەممە، جەوی کەفتە شاندیگ لە موترانەیل هەرێم کوردستان و هاماری نەینەوا.
حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: لە کۆبونەوەگە باس رەوش مەسیحیەیلە لە هەرێم کوردستان و عراق کریا.
شاند موترانەیل هەرێم کوردستان و هاماری نەینەوا دەسخوەشی لەنئەزموون پێکەوەژیان لە هەرێم کوردستان کرد، و هەمیش دەسنشان کرد ک کوردستان تەنیا شۊنیگە لە عراق وناوچەگە ک مەسیحیەیلە لەناوی وە ئاشتی و ماف مسۆگەریان ژیان کەن، و هەمیش دەسخوەشی لە دەور سەرۆک حکومەت کرد لە پاڵپشتیکردن ماف پێکاتەیلە و جیوەجیکردن چاکسازی حکومەتی و سەرکەفتن لە قەیرانەیلە.
هەرلیوا، سەرۆک حکومەت دووارە دووپاتی لە پاڵپشتیکردن هەرێم کوردستان وەخاتر بتەوکردن کەلتوور خوەشبۊن وئەرزشەیل پێکەوەژیان و ئازادی ئاینی و رێزگرتن لە ماف مرۆڤ.
