ئاسایش هەرێم کوردستان دەسنەێدە بان 4 کیلوگرام مادەی TNT لەلای بازرگانەیل چەک.. وینە
2023-08-09T12:10:20+00:00
شەفەق نیوز/ وەڕیەوبەرایەتی ئاسایش ناوچەی شارەزوور لە هەرێم کوردستان، سێ کەس دەسگیر کردن 4 کێلوگرام مادەی تی ئێن تی و چەکەیل و تەقەمەنی بیمووڵەت و نا یاسایی وەپییان بویە.
وەڕیەوبەرایەتیەگە لە بەیانامەیگ ئمڕوو چوارشەممە وت: هیزەیل ئاسایش دویای مینەکردن و وەدەسکەفتن زانیاریی، سێ توومەتبار لە پارێزگای هەڵەبجە لە 7 تەمووز 2023 وە بڕیار دادوەر دەسگیر کردن.
وەگورەی بەیاننامەگە، دویای دەسگیرکردن توومەتبارەیل وەناو ( س، م، م ) و ( ڕ، م، ع ) و( ج، ك، ع )، وە فەرمان دادوەر وەشکین ماڵەیلیان و شوین کارەیلیان کریا، و 4 کێلوگرام مادەی تی ئێن تی و 53 پارچەی چەک، و چەک راو، و 10 بومب دەسی، و نزیکەی 2000 گولەی جویراجویر پەیا کریا، و دووپات کرد کە لێکۆڵینەوە وەگەردیان وەردەوامە.
