کازمی لەباوەت کەرکوک تەلەفۆن بارزانی کەێد
2021-10-13T11:02:59+00:00
شەفەق نیوز/ موستەفا کازمی سەرۆک وەزیرەیل وەسەرچگ، ئمڕوو چوارشەممە، تەلەفۆن مەسرور بارزانی سەرۆک حکومەت هەرێم کوردستان کرد، و باس رەوشەیل پارێزگای کەرکوک کردن.
حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: لە پەیوەندیەگە باس رەوشەیل شار کەرکوک کریا، ک دۊیای هەڵبژاردنەگە بەشیگ تەقەلای دروسکردن ژاوەژاو کرد تا سەرکەفتن هەڵوژاردنەگە بشیونێد.
وەگورەی بەیاننامەگە، هەردوگ لایەنەگە رێککەفتن ک نەبایەت ری وە هەر کەسیگ بیریەێد ئەرا دروسکردن ژاوەژاو و زەرەد رەسانن وە دانیشتگەیل و داریی تایبەت و گشتی، و بایەتە کۆتایی وەو رەوش ئەمنی ناشرینە لە کەرکوک وەنزیکترین وەخت باێد.
بەیاننامەگە وتیش: سەرۆک ئەنجومەن وەزیرەیل فیدراڵی فەرمان وە مەرەقەزکردن گشت دەسگیرکریایەیل لە کەرکوک دا.
