کاروان چین دۊیەم لە خیزانەیل داعش رەسێدە ناو خاک عراق

شەفەق نیوز/ کاروان چین دۊیەم لە خیزانەیل داعش،  ئیوارەی چوارشەممە،  رەسینە ناو خاک عراق.  

پەیامنێر ئاژانس شەفەق نيوز وت: کاروان خیزانەیل داعش ک لە کامپ هۆل هاتگە، وەرجە کەمیگ،  رەسیە ناو سنوور عراق لەلای ناحیەی رەبیعە  لە پارێزگای نەینەوا.  

کامیرای پەیامنێرمان وێنەیل ئەو کاروانە لە نزیک ناحیەی شەمال لە قەزای شەنگال گرتن هەنای وەرەو کامپ جەستە لە باشوور مووسڵ رۊی کرد. 

وتیش: خەسەوکرەن ئەمنی گەورەیگ هەس لە ناوچەگە،  وتیش؛ هێز ئەمنی گەورەیگ هالە یاوەری کاروانەکە، بیجگە خاڵەیلیگ ئەمنی وە دریژی ریەگە تا کامپ جەستە.