پاریزگار هەولێر خەڵگەگە دڵنیا کەێد: ئەمارەیل گاز ماڵەیل بەسە وەبان پەلامارداینەگەی کۆرمۆر
شەفەق نیوز - هەولێر
پاریزگار هەولێر ئومێد خۆشناو، ئمڕوو دوشەممە، مەردم شارەگە لەبان پەیاکردن گاز ماڵەیل دڵنیا کرد، لەدویای ئەوەگ پەلاماریگ کێڵگەی گاز کۆرمۆر گردە ئامانج، و دووپاتکرد لەوەگ پارێزگاگە خاوەن بڕیگ لە ئەمارکریاگ بەسە ئەرا پڕکردنەوەی هەوەجەیلیان، وەبن کاریگەربوین بەرهەمهاوردن هاز کارەبا وە پەلامارەگە.
خۆشناو، لە بەیانیگ رەسیدە ئاژانس شەفەق نیوز وت :"هویچ مدوویگ ئەرا نیگەرانی گاز ماڵەیل نییە، بڕیگ هەوەجەکریاگ لە ئەمارەیل هەس ئەراپڕ کردن هەوەجەیلە"، وتیش؛ پەلامارەگەی شەو گوزەشتە کێڵگەگە کاریگەری داشت لەبان بەرهەمهاوردن هاز کارەبا.
کێڵگەی گازی کۆرمۆر لە قەزای چەمچەماڵ لە پارێزگای سلێمانی کەفتە وەر پەلامار وە درۆنیگ، لە وەختیگ وەزارەت کارەبا لە هەرێم کوردستان راگەیاندبوی پەلامارەگە بویە مدوو داوەزیان بەرهەمهاوردن کارەبا لە تووڕ ناوخوەی وە بڕ ناوەین 2500 تا 2800 مێگاوات.
