پارێزگار دهۆک ئەرا دانیشتوەیل: نزیکیمن لە کارەسات و لەماڵ دەرنەچن
شەفەق نیوز/ عەلی تەتەر سەرۆک حکومەت خۆجێیی لە پارێزگای دهۆک، ئمڕوو چوارشەممە، هووشداری کرد رەوش تەندروسی لەوەر ئەو بەرزەوبوین گەورە لە رێژەی تووشهاتنەیل ڤایڕۆس کۆڕۆنا لە پارێزگاگە لە دەس دەرچوود، و جەخت کرد ک بایەتە گشت لایەنەیل و حزبەیل سیاسی ئەرا نواگردن بڵاوبوین پەتاگە هاوکاری بکەن.
تەتەر لە کۆنگرەیگ رۆژنامەوانی ئمڕوو وت: وەگورەی وەڕێۆبەر فەرمانگەی تەندروسی دهۆک، تووشهاتنەیل فرەیگ لە چین گەنجەیلە لەی دویاییە تۆمار کردیمن، و جەخت کرد ک نەبایەت وە هەر شیوەیگ کۆڕ و سیمینار و کۆنگرە و گردەوبوین کۆمەڵایەتی لەلایەن حزبەیلە بکریەێد ر و هەمیش نەبایەت سەردان قەورسان بوود.
وتیش: بایەتە ئەوانەگ سەردان دهۆک کەن پابەند بوون وە رینمایل تەندروسی، و وەکارهاوردن دەمامەک ناچاریە، وتیش؛ لەی ماوە وەبی دەسپیچگ لەماڵ دەرنەچن، وتیش؛ نشانەی پەتاگە لەو ناوچەو شارەیل عراق بویە رەنگ سوور، و ئیمەیش روی وەرەو ئەوە کەیمن.
