دهۆک داوای هاوردنەوەی قەیەغەی گشتگیر لە هەرێم کوردستان کەێد
شەفەق نیوز/ وەڕێۆبەرایەتی تەندروسی گشتی لە پارێزگای دهۆک، ئمڕوو جمعە، داوای دووارە چەسپانن قەیەغەی هاتوچگن لە گشت هەرێم کوردستان کرد، ئەرا ماوەیگ لە دوو هەفتە کەمتر نەوود لەلای کەمەو، ئەویش دویای بەرزەوبوین ژمارەی تووشهاتنەگان وە ڤایڕۆس کۆڕۆنا لە پارێزگاکە.
وەڕێۆبەرایەتیەگە لە بەیاننامەیگ ئمڕوو رەسیە ئاژانس شەفەق نیوز وت: داوای راگەیانن قەیەغەی هاتوچگن لە هەرێم کوردستان کەیمن ئەرا ماوەی دوو هەفتە لەلای کەمەو، چوونکە خاسترە تا بتوێتیمن کونتڕۆڵ و نواگردن لە بەرزەوبوین ژمارەی تووشهاتنەگان وە کۆڕۆنا بکەیمن.
بەیاننامەگە هەمیش دیاریکرد ک بڵاوبوین ڤایڕۆس کۆڕۆنا لە دهۆک لە کۆنتڕۆڵ دەرچگ، وئاماژەکرد لە ئەوانەگ پاڵپشتی ئامێرەیل هەناسە خوازن بایەدە چەن جاریگ چەوەڕی نۆرەی خوەیان بکەن.
بەیاننامەگە وتیش؛ ئەیە یەکەم جارە دهۆک ئیجوور بەرزەوبوینیگ لە رێژەی تووشهاتنەگان وە پەتاگە وەخوەی دوینێد، ک ئیسەیش وەردەوامە لە بەرزەوبوین.
