کابرایگ وە توومەت خەڵەتانن دویەتیگ دەسگیرکریا
2023-08-24T07:05:29+00:00
شەفەق نیوز/ وەڕیەوبەرایەتی پۆلیس پارێزگای سلێمانی، ئمڕوو پەنجشەممە، دەسگیرکردن توومەتباریگ وە مدوو خەڵەتانن دویەتیگ راگەیان.
وەڕیەوبەرایەتیەگە لە بەیاننامەیگ راگەیان، "لەبان داد دویەتیگ و وە توومەت خەڵەتانن، توومەتباریگ وەلایەن بنکەی پۆلیس راپەرین دەسگیرکریا" ئاشکەرایکرد"لەدویای ئەوەگ دویەتیگ سکاڵا توومارکەێد کە وەلایەن کەسیگ خەڵەتیاس و بڕیگ پویل و تەڵا لەلی سەنیە، هیزەیل پۆلیس لێکۆڵینەوە و وەدویاچگن دەسوەپی کردن دەرکەفت، توومەتبار وە ناو خوازریاگ و هەشمار ساختە لە تووڕ کۆمەڵایەتی وە دەسپیچگ هاوسەرگیری هەشت هەزار دۆلار و بڕیگ تەڵا لە دادکەرەگە سەنیە".
لە بەیاننامەگە راگەیان، لە ئەنجام شوین توومەتبارەگە توەنریا پەیابکریەد و دەسگیرکریا دەسیش نریا وەبان بڕیگ پویل کە توومەتبار وەپی بویە و وەپای ماددەی 456 لەیاسای سزادان عراقی گیریایە دان تاوانەگەی دانایە.
