پەیاکردن قەور وە کۆمەل نوویگ لە قوربانیەیل داعش له شەنگال
2022-03-24T13:07:44+00:00
شەفەق نیوز/ رێخریاگ مەدەنیەت ئیزیدی لە شەنگال، ئمڕوو پەنجشەممە، راگەیان قەور وە کۆمەل نوویگ پەیاکریایە ک روفات قوربانیەیل بان دەس ئەندامەیل رێکخریاگ داعشن.
وەرپرس بەڵگەنامەیل تاوانەیل داعش رێخریاگ "ئیزیدی" خەیری عەلی وە ئاژانس شەفەق نیوز وت، " قەورسانەگە لە ئاوای هندانا لە باکوور شەنگال پەیا کریایە، وەلای کەم روفات پەنج کەس لە قوربانیەیل رێکخریاگ داعشن ساڵ 2014".
وتیش، رێکخریاگە هەلسیایە وە مقیەتیکردن قەورسانەگە تا وەلایەن دەزگایەیل پەیوەندیدار چارە کریەێد.
قەزای شەنگال لە پارێزگای نەێنەوا لە 22 مانگ شوبات گوزەشتە، مەراسیم وازکردن هەفت قەور وە کۆمەل قوربانیەیل ئیزیدی وەخوەی دی ک وەبان دەس ئەندامەیل رێکخریاگ داعش لەماوەی داگیرکردن ناوچەگەیل فراوانیگ لە زەۊیەیل عراق کوشیانە.
