پەیاکردن تەرم ئاوارەیگ لە چەم دیجلە
2022-03-11T11:23:22+00:00
شەفەق نیوز/ دەسڵاتدارەیل ئەمنی لە پارێزگای دهۆک، ئمڕوو جومعە، تەرم گەنجیگ ئاوارەی دۊای دە رووژ لە گومبۊنی پەیا کردن.
سەرچەوە ئەمنیگە خەوەردا وە ئاژانس شەفەق نیوز ک لایەنیل ئەمنی تەرم ئاوارە زیاد عیسا پەیاکردنە لە چەم دیجلە ک دانشتگ کەمپ خانگی لە خوەرئاوای دهۆک بۊیە، دۊای دیار نەمانی لە سەرەتای مانگ ئازار.
کەسوکارەگەی دووپاتکردنە، زیاد وەی دۊاییە تۊش بیماری دەرۊنی بۊیە.
