پاپا رەسێدە پایتەخت هەرێم کوردستان و نێچیرڤان بارزانی هالە پێشوازی

شەفەق نیوز/ پاپا فرانسیس، شەوەکی ئمڕوو یەکشەممە، رەسیە شار هەولێر پایتەخت هەرێم کوردستان، لە چوارەم ویستگەیلی لە سەردانە پاپاییە مێژوویەگەی ئەرا عراق.

نێچیرڤان بارزانی سەرۆک هەرێم کوردستان و مەسرور بارزانی سەرۆک حکومەت هەرێم کوردستان و کەسایەتیەلیگ ئاینی و مەدەنی لە پێشوازیکردن پاپا بوین.

رسوومەیلیگ فەرمی گەورایگ لە فڕۆکەخانەی هەولێر لە پێشوازیکرنی ئەنجام دریان، ک دەیان کەس لە جووراجور پێکهاتە ئاینیەکان و نەتەوەیەکان وە دڵنگ کەلتووری و پەل زەیتون و سەعف خورما وەدەسیان بوی وەپیان پێشوازی لە پاپای مەزن کردن.

هەرلە سەرۆک هەرێم و پاپا و سەرۆک حکومەت روی کردنە هۆڵە سەرکیەگە ئەرا گەورا کەسایەتیەکان لە فڕۆکەخانەی هەولێر و چەوپێکەفتنیگ هاوبەش کردن.