ووردەکاریەیل نوویگ لە رووداو کوشتن ژنیگ وەدەس برا داعشەگەی
2020-09-04T10:08:07+00:00
شەفەق نیوز/ جرجیس حجاب وەڕێوبەر ناحیەی ئەیسەر شەرقات لە پارێزگای سەڵاحەدین، ئمڕوو جمعە، ئاشکرای ووردەکارەیلیگ کرد لە رووداو کوشتن ژنیگ وەدەس براگەی ک ئەندامە لەداعش دویەشەو لە دەورگرد ناحیەگە.
حجاب ئەرا ئاژانس شەفەق نیوز وت:ئەندامیگ لە داعش وەگەرد یەکیگ لە قەومەگانی وەدزیەو چینە ناو ئاوای کەنعوس ئەرا وەرگردن خواردەمەنی لە بەشیگ لە هاوکارەیلیان، ولەلایەن ژنیگ رەوانگەیان کریا، ویەکیگ لە دزەکەرەگان برایە، ولەمەوقەی چڕین هاوسەرەگەی ک ئەندام ئەمنیە تا خەوریان بکەێد، براگەی تەقە لەلی کرد وکوشتەی، وخوەیەو هاوڕێەگەی وەرەو ناوچەیل دویریگ لە ئاوایەگە واین.
حجاب رووداو کوشتن ژنەگە وەیەکەمین رووداو دانا لە زیاتر لە مانگیگ، دویای گورزە ئاسمانیەگان لەلایەن هێزەیل فەڕەنسا لەبان ناوچە دویرەگان وئاوایەگان ک دویرن لە ناوەند ناحیەگە، ک ئەندامەیل داعش کردنەسەی حەشارگە.
و دووپاتکرد لە دووارە بڵاوبوین هێزەیل سەربازی لە دەورگرد ناوچەیل زۆر کەنعوس ئەرا نواگردن هەر پێشێلکارییگ یا دزەییگ، وپەیماندا ک رووداو کوشتن ژنەگە بوودە دوایاترین رووداو ودووارەو نەوود.
