وه‌زير تازه‌ى وه‌رگرى ئه‌ڵمانيا ره‌سيه به‌غدا
2019-08-20T09:58:41+00:00
شه‌فه‌ق نيوز/ ئه‌نيگرێت كرامپ كارونباوه‌ر وه‌زير تازه‌ى وه‌رگرى ئه‌ڵمانيا له يه‌كه‌مين سه‌ردان فه‌رميى ره‌سيه به‌غداى پايته‌خت له‌وه‌ختيگه‌و پۆسته تازه‌گه‌ى وه‌رگرتگه.
وه‌گووره‌ى سه‌رچه‌وه‌يليگ ئه‌را شه‌فه‌ق نيوز، بڕياره كارنباوه‌ر له‌ى سه‌ردانيه چه‌وێ بكه‌فێده هاوتا عراقيه‌گه‌ى و عادل عه‌بدولمه‌هدى سه‌رۆك حكومه‌ت.
جى باسه، وه‌زير وه‌رگرى ئه‌ڵمانيا دويه‌كه سه‌ردانيگيش ئه‌را ئوردن ئه‌نجامدا ك له‌تى باس له دريژه‌وكردن ئه‌رك هيزه‌يل وڵاته‌گه‌ى كرد له‌ورا دژ ريخرياگ تيرۆريستى داعس له سورياو عراق و له هه‌مان وه‌خت له عراقيش به‌شدارى ئه‌ركه‌يل مه‌شقداين وه سوپا و هيزه‌يل ئه‌من ئه‌كا.
