واشنتۆن له‌باره‌ى په‌لامارداين باڵێۆزخانه‌گه‌ى له به‌غدا گومان له دو گرووپ چه‌كدار ئه‌كا
2019-05-26T10:53:42+00:00
شه‌فه‌ق نيوز/ سه‌رچه‌وه‌يگ باڵاى ئه‌منى باس له‌وه كرد وڵاته‌يل يه‌كگرتگ ئه‌مريكا گومان له دو گرووپ چه‌كدار ئه‌كا ده‌س له وه‌ئامانجگرتن باڵيۆزخانه‌ى داشتوون له ناوچه‌ى سه‌وز له به‌غداى پايته‌خت.
له‌ى باوه‌ته‌و، رووژنامه‌ى شه‌رقولئه‌وسه‌ت له زووان ئه‌و سه‌رچه‌وه وت: گومانه‌يل لايه‌نن ئه‌مريكى له‌باره‌ى گرتنه ئامانج باڵيۆزخانه‌ى واشنتۆن له به‌غدا له دوو لايه‌ن ئه‌كريه‌ێد ك پيكهاتنه له (كه‌تيبه‌يل سه‌يد شوهه‌دا)و (كه‌تيبه‌يل ئيمام عه‌لى)، ك له‌ى باوه‌يشه‌و ئاگادار لايه‌ن عراقى كردنه.
سه‌رچه‌وه‌گه جه‌خت له‌وه‌يش كردگه ك ئه‌مريكيه‌يل ئاگادار به‌غدايش كرد وه ئه‌وه‌گ روێ له ده‌سگيركردن كه‌سه‌يليگ له‌و گرووپه‌يله له عراق ئه‌كه‌ن له حاڵه‌تيگ ئه‌را ئسپات كريا ده‌س له بۆردومانكردن باڵيۆزحانه‌گه داشتگه.
