وه‌رگرى: هيزه‌يل ئه‌منى ئاگادار بوينه له په‌لاماره‌يل ئى دوياخره
شه‌فه‌ق نيوز/ ليژنه‌ى ئاسايش و وه‌رگرى له په‌رله‌مان عراق، ئاشكراى ئه‌وه كرد هيزه‌يل ئه‌منى عراقى زويتر زانيارى وه‌پيان ره‌سيه له‌بان نياز داعس ئه‌را ئه‌نجامداين په‌لاماره‌يل وه‌رجه كه‌فتنه‌وه‌ى وه چه‌ن رووژيگ.
له‌ى باوه‌ته‌و، گاتع ركايى ئه‌ندام ليژنه‌گه له باسيگ ئه‌را شه‌فه‌ق نيوز وت: هيزه‌يل ئه‌منى كه‌مته‌رخه‌مى ديرن له روێ وه‌ڕوێ بوينه‌وه‌ى په‌لاماره‌يل داعش، چوينكه وه‌رجه كه‌فتنه‌وه‌ى په‌لاماره‌يل زانيارى وه هيزه‌يل ئه‌منى ره‌سيه له‌ى باوه‌ته‌و.
ركابى هه‌ميش وت: زانياريه‌يليگ هه‌واڵگيرى ره‌سيه‌سه هيزه‌يل ئه‌منى وه‌رجه هه‌فته‌يگ له كه‌فتنه‌وه‌ى ئه‌و په‌لاماره‌يله‌و جه‌خت له هه‌ڕه‌شه‌كردن له‌و ناوچه‌يله كرياگه ك كه‌فتنه وه‌ر په‌لاماره‌يل ئى دياخره، وه‌لێ وه‌رپرسه‌يل ئه‌و كه‌رته‌يله وه‌ل ئه‌و زانياريه‌يله مامڵه نه‌كردنه‌و هه‌ر وه‌و خاتريشه كه‌مته‌رخه‌مى روێداگه و كه‌سه‌يل كه‌مته‌رخه‌ميش بايه‌سه لێپرسينه‌وه وه‌ليانا بكريه‌ێد.
