گومانەیل تاوانکاری.. زەخمداری کارمەنیگ وەرگیری شارستانی وە گولە و دەسگیرکردن ژنەگەی لە بەغدا

شەفەق نیوز ـ بەغدا

سەرچەوەیگ ئەمنی، ئمڕوو چوارشەممە، خەوەردا لە زەخمداربوین کارمەنیگ لە وەڕێوەبەرایەتی وەرگیری شارستانی وە گولە لەناو ماڵ لە ناوچەی بەیاع باشوور بەغدای پایتەخت.

سەرچەوەگە وە ئاژانس شەفەق نیوز وت، ئەو کەسە راستەوخوەی ملی وە گولە زەخمداربویە لەری چەکیگ حکومی، دیاریکرد دەسلاتدارەیل ئەمنی ژنەگەی دەسگیرکردن ئەرا لێکۆڵینەوە لە چۆنیەتی رویداوەگە، وە مدوو گومانەیل بان دانوەپینانەیل یەکەم کە گوایە خوەیکوشی بویە.